2026-cı ildə ABŞ, Meksika və Kanadanın birgə ev sahibliyi edəcəyi FIFA Dünya Çempionatının bilet satışı rəsmi olaraq start götürüb.

90plus.az xəbər verir ki, 11 iyun – 19 iyul tarixləri arasında keçiriləcək mötəbər turnirin biletlərinin satış prosesi artıq başlayıb.

Biletləri haradan almaq olar?

Bildirilir ki, Dünya Çempionatının bütün bilet əməliyyatları yalnız FIFA-nın rəsmi internet saytı vasitəsilə həyata keçirilir. Bilet əldə etmək istəyən azarkeşlər ilk olaraq saytda FIFA ID yaratmalı və şəxsi hesablarına daxil olmalıdırlar.

Daha sonra istədikləri oyunu və oturacaq yerini seçərək ödənişi tamamlamalıdırlar. Ödəniş təsdiqləndikdən sonra istifadəçilərə təsdiq e-poçtu göndəriləcək. Biletlərə isə seçilmiş oyunlardan təxminən bir ay əvvəl giriş imkanı veriləcək.