RƏSMİ: 44 yaşlı Rokе Santa Kruz karyerasını davam etdirir.

90plus.az xəbər verir ki, Paraqvay millisinin bütün dövrlər üzrə bombardiri və ölkə futbolunun əsl simvolu olan Roke Santa Kruz peşəkar karyerasını davam etdirir.

Hazırda 44 yaşlı hücumçu Paraqvayın “Nasional” klubu ilə yeni müqavilə imzalayıb. Bu, Santa Kruz üçün peşəkar futbolda artıq 28-ci mövsümdür.

Avropadakı zəngin karyerası ərzində Santa Kruz “Bayern Münhen”, “Mançester Siti”, “Real Betis” və “Malaqa” kimi klubların formasını geyinib, həm klub, həm də milli səviyyədə adını futbol tarixinə yazdırıb.

Əfsanənin hekayəsi hələ də davam edir.