“Vilyarreal” klubundan ayrılan Raul Albiol karyerasını yenidən İtaliyada davam etdirəcək.
90plus.az xəbər verir ki, ispaniyalı müdafiəçi azad agent kimi A Seriyasına yeni yüksəlmiş “Piza” ilə anlaşma əldə edib.
Tərəflər artıq razılığa gəlib və 39 yaşlı təcrübəli futbolçunun yaxın günlərdə “Piza” ilə 1 illik müqavilə imzalayacağı gözlənilir.
Xatırlatma: Raul Albiol 2019-cu ilin yayında “Napoli”dən “Vilyarreal”a transfer olunmuşdu. İspaniya millisinin sabiq üzvü geridə qalan mövsümdə La Liqa komandası ilə 16 rəsmi oyunda iştirak edib.
