A Seriyasından qızıl oyun qərarının verilməsinin arxasında pul "yatır".
90plus.az sizin üçün bu qərarın verilməsinin səbəbini araşdırıb.
Bildiyimiz kimi, İtaliya A Seriyasının rəhbərliyinin çıxardığı qaydaya görə xalları və aralarındakı matçları bərabər olan iki komandanın çempionluğu final oyununa qalacaq. Bəs, nəyə görə belə bir qanun tətbiq edildi?
Əvvəlcə, onu qeyd edək ki, bu mövsümdə 33 oyuna həm "Napoli"nin, həm də "İnter"in 71 xalı var. Aralarındakı hər iki matç da 1-1 yekunlaşıb. Və final oyunu keçirilməsi ehtimalı hər turdan sonra artır.
Təbii ki, bu qərarın arxasında da pul "yatır". Çünki İtaliya çempionunu final oyununda təyin edilməsi həmin oyuna marağı daha da artırır. Belə olanda reklam gəlirləri də artır. Üstəlik UEFA və FIFA-da olduğu kimi daha çox oyun, daha çox pul aksioması burada da tətbiq olunur.
Təbii ki, bu ssenari hər iki komandanın xalı eyni olarsa, baş verəcək. Yaşayaq görək...
Analizin müəllifi: Cahid Süleymanov
