"Fənərbaxça"nın vitse-prezidenti Acun Ilıcalı böyük gəlir layihəsinə hazırlaşır. Komanda dünyaca məşhur müğənni Rihanna ilə sürpriz etmək istəyir.
90plus.az xəbər verir ki, “Fanatik”də yer alan xəbərə görə, "Fənərbaxça" Rihanna və həyat yoldaşı ASAP Rokki ilə çox əhəmiyyətli tanıtım razılaşması imzalamağa hazırlaşır.
Bu razılaşma çərçivəsində məşhur cütlük komandanın matçlarını Türkiyənin “Ülker” stadionundan izləməyə gələcək.
Cütlük həmçinin sosial media hesablarında "Fənərbaxça" forması ilə çəkilmiş fotolarını da paylaşacaq.
Qeyd edilib ki, “Fənərbaxça” rəhbərliyi bu əməkdaşlıqdan 50 milyon dollar gəlir gözləyir. Müqavilə çərçivəsində cütlüyə nə qədər məvacib ödəniləcəyi hələlik bəlli deyil.
Qeyd edək ki, Rihannanın “İnstagram”da 151 milyondan çox, “X”də isə 108 milyon izləyicisi var.
