Duşan Tadiçə İsveçrədən sürpriz təklif gəldi.
90plus.az xəbər verir ki, “Fənərbağça” ilə yollarını ayıran və bir müddət adı "Qarabağ"la anılan serbiyalı futbolçu Duşan Tadiçin yeni klubunun hara olacağı maraqla gözlənilir. Təcrübəli oyunçuya İsveçrənin “Zürix” klubundan sürpriz təklif gəlib.
36 yaşlı yarımmüdafiəçiyə “Zürix” rəsmi təklif göndərib. Futbolçu bu təklifə cavab vermək üçün bir qədər düşünmək istədiyini bildirib. Hazırda transferlə bağlı yekun qərar verilməyib, lakin yaxın günlərdə prosesin aydınlaşacağı gözlənilir.
Tadiçin adı daha əvvəl müxtəlif Avropa klubları ilə hallansa da, İsveçrə variantı daha real görünür. Əgər razılıq əldə olunarsa, serbiyalı ulduz karyerasını “Zürix”də davam etdirə bilər.
Hazırda Duşan Tadiçin bazar dəyəri təxminən 2,2 milyon avro civarındadır.
