“Barselona”nın müdafiəçisi Alexandro Balde yeni romantik münasibətə yelkən açıb. 

90plus.az xəbər verir ki, makiyaj ustası və influenser Katiuska Salsedo futbolçu ilə səyahət etdikdən sonra azarkeşlərin diqqətini çəkib.

Məlumatlara görə, keçən yay Katiuska Balde və onun heyəti ilə birlikdə Dominikan Respublikasına səfər edib. Onun Instagram hesabında futbolçu ilə çəkilmiş fotolar paylaşılıb. Son vaxtlar o, futbolçunun Mercedes G-Class avtomobili ilə şəkillər paylaşıb və hazırda Dubaydadır — onlar eyni gün Milad tətili üçün ora səyahət ediblər və ortaq dostları ilə vaxt keçiriblər.

Mənbələr bildirir ki, Balde və Salsedo rəsmi olaraq münasibətdə deyillər və qeyri-rəsmi görüşürlər. Onların münasibətinin ciddi bir mərhələyə çevrilib-çevrilməyəcəyi isə hələ aydın deyil, lakin azarkeşlər bunu yaxından izləyirlər.