Alleqri: “Modriçdən hamımız nümunə götürməliyik”.

90plus.az xəbər verir ki, A Seriyasının 25-ci turunda “Milan” doğma meydanda “Piza”nı 2:1 hesabı ilə məğlub edib. Görüşün taleyini həll edən qolu yarımmüdafiəçi Luka Modriç vurub.

Matçdan sonra “Milan”ın baş məşqçisi Massimiliano Alleqri komandasının çıxışını və xüsusilə Modriçin performansını yüksək qiymətləndirib.

— Asan oyun olmadı. “Piza” çətin rəqibdir. Üç xal qazandıq. Bu matçdan çıxarılacaq dərslər var. Son 15 gündə cəmi iki oyun keçirmişik, ritm tapmaq asan deyildi.

Mütəxəssis komandanın transformasiyası ilə bağlı suala da münasibət bildirib:

— Keçən mövsüm barədə danışa bilmərəm, burada deyildim. Bu komanda yüksək texniki keyfiyyətlərə malikdir. Bəzən mental olaraq sönürük. Oyunçular çox iş gördüklərini bilirlər, amma futbolda hər şey bir həftəyə dəyişə bilər. Qarşıdakı 14 oyunun 8-ni evdə, 6-nı səfərdə keçirəcəyik.

Alleqri qələbə qolunun müəllifi barədə isə xüsusi danışıb:

— Luka Modriç haqqında nə deyə bilərəm? O, inanılmaz futbolçudur. Texniki bacarıqları bir yana, həmin epizodda topun ardınca sonadək getməsi bizə qələbə qazandırdı. Hamımız ondan nümunə götürməliyik. Çünki o, böyük təvazökarlığa sahibdir.

Baş məşqçi əvəzetmələrə də toxunub:

— Penalti qaçırıla bilər. Pulişiç və Leau oyuna yaxşı qoşuldular, amma fiziki cəhətdən daha yaxşı durumda olmalıdırlar.

“İnter” – “Yuventus” qarşılaşması ilə bağlı suala cavabında isə Allegri diqqəti öz komandalarına yönəldib:

— Ən vacibi öz oyunumuzu qazanmaq idi. Bu qələbə bizi məqsədimizə bir addım da yaxınlaşdırdı.

Qeyd: 40 yaşlı xorvatiyalı yarımmüdafiəçi bu mövsüm “Milan”ın heyətində 26 oyunda 2 qol və 3 məhsuldar ötürmə ilə yadda qalıb.