"Real Madrid" Karlo Ançelottinin bu bazargünü "Real Sosyedad" ilə son liqa oyunundan sonra klubdan ayrılacağını təsdiqləyib və bəyanat yayıb.
90plus.az klubun bəyanatını təqdim edir:
"Real Madrid Karlo Ançelotti ilə onun baş məşqçi kimi fəaliyyətinə son qoymaq barədə razılığa gəliblər. Klubumuz Real Madridin və dünya futbolunun ən böyük əfsanələrindən birinə minnətdarlığını və sevgisini bildirmək istəyir.
"Karlo Ançelotti komandamıza 123 illik tariximizin ən uğurlu dövrlərindən birini yaşatdı və tariximizin ən çox titulunu qazanan məşqçi oldu: 3 avrokubok, 3 Klublararası dünya çempionatı, 3 Avropa Superkuboku, 2 La Liqa, 2 Kral Kuboku və 2 İspaniya Superkuboku. Onunla 6 mövsüm ərzində klubumuz ümumilikdə 15 titul qazanıb."
Klub prezidenti Florentino Peres: “Karlo Ançelotti artıq əbədi olaraq böyük Madrid ailəsinin bir hissəsidir.
“Bu qədər uğur qazanmağımıza kömək edən və bundan əlavə, klubumuzun dəyərlərini nümunəvi şəkildə təmsil edən bir məşqçidən həzz ala bildiyimiz üçün fəxr edirik”.
Karlo Ançelotti Real Madridin baş məşqçisi kimi son mətbuat konfransında:
"Mən bundan sonra başqa klubu idarə etmək istəmirəm".
"Mən 5 qat Dünya Kubokunun Çempionlarına qoşuluram. Ancaq "Real Madrid" ilə bağım sonsuza qədər davam edəcək.
"Mən "Real Madrid"də necə xatırlanmaq istəyirəm? Yaxşı məşqçi kimi, əlbəttə. Amma bunu zaman göstərəcək. Bu anda, biz vidalaşanda belə, bir çox insanın sevgisini hiss edirəm və bu, məni çox sevindirir... və çox razıyam.
Luka Modriç haqda: "Luka ilə vidalaşmaq gözəl olacaq. Hər ikimiz üçün xüsusi və gözəl olacaq".
Qeyd: Ançelotti kuboklarla dolu dörd ildən sonra Real Madriddən ayrılır. Onun klubdakı ilk təcrübəsi iki il davam etmişdi. Ümumən, 6 ildə Ançelotti 15 kubok qazanaraq Madrid klubunun tarixində ən uğurlu baş məşqçi kimi qalır.
