Arda Güler öz oyununu formalaşdırmaq üçün hörmət etdiyi və izlədiyi oyunçunu açıqlayıb.
90plus.az xəbər verir ki, “Real Madrid”in yarımmüdafiəçisi mediaya bildirib ki, keçmişdən Braziliyalı əfsanə Aleks de Souzanı nümunə götürüb:
“Keçmişdən üslubca mənə oxşayan elit oyunçulardan biri, hörmət etdiyim oyunçu Aleks de Souza idi,” – deyə o bildirib.
Hazırda ilham mənbəyi kimi futbolda ən böyük oyun quruculardan ikisinə diqqət yetirir:
“Bu gün isə bir az daha çox Məsut Özil və Luka Modriçə baxmağa çalışıram. Onlar kimi oynamağa çalışıram,” – deyə türk ulduzu açıqlayıb.
Gülerin texniki bacarığı, oyun görmə qabiliyyəti və yaradıcılığı onu bu yaradıcı yarımmüdafiəçilərlə müqayisə etməyə əsas verir, o, Bernabeu-da inkişafını davam etdirir.
