“Arsenal” "Çelsi"dən ispan qapıçı Kepa Arrisabalaqanı transfer etdi!

90plus.az xəbər verir ki, Fabrisio Romano bu  məlumatı paylaşıb. 30 yaşlı qolkiper yeni mövsümdə David Rayanın ehtiyatı olacaq. Transferin məbləği təxminən 5 milyon funt sterlinqdir.

Bu keçid Kepanın ötən yay “Çelsi” ilə müqaviləsinə əlavə etdirdiyi xüsusi sərbəstqalma maddəsi sayəsində mümkün olub. Həmin maddəyə əsasən, o, müəyyən məbləğ qarşılığında komandadan ayrılmaq hüququna malik idi və “Arsenal” bu şərti aktivləşdirərək onu “Emireyts”ə gətirib.

Kepa “Arsenal”da əsas qapıçı mövqeyi uğrunda Raya ilə rəqabət aparacaq və baş məşqçi Mikel Artetaya qapı xəttində əlavə seçim imkanı verəcək. Onun təcrübəsi və keyfiyyəti komanda üçün dəyərli sayılır. Bu transfer "Real Sostedad”dan yarımmüdafiəçi Martin Zubimendinin gəlişindən sonra “Arsenal”ın heyətinə edilən növbəti əlavədir.

Kepanın “Arsenal”a keçidi onun “Çelsi”dəki qarışıq 7 illik dönəminə son qoyur. O, London klubunda 163 oyun keçirmiş, 4 əsas titul qazanmışdı. Ötən mövsüm “Real Madrid”də icarədə olan Kepa burada həm La Liqa, həm də Çempionlar Liqasını qazanmağa nail olmuşdu.