Venger: “El Klasiko sanki kişilərin oğlanlara qarşı dueli idi”.
90plus.az xəbər verir ki, futbol əfsanəsi Arsen Venger “Real Madrid”in “Barselona” üzərində 2:1 hesablı qələbə qazandığı son “El Klasiko” barədə danışıb. Fransız mütəxəssis oyunda daha güclü tərəfin açıq şəkildə göründüyünü bildirib.
Venger qeyd edib ki, “kral klubu” həm müdafiədə, həm də hücumda rəqibdən üstün idi:
“Real Madrid müdafiə planında “Barselona”dan xeyli güclü idi. Hücumda da “Los Blankos”un daha bir qol vura biləcəyi hiss olunurdu. “Barça” isə Levandovski və Rafinyasız dişsiz görünürdü. Topa sahib olsalar da, heç vaxt qol vuracaqlarına inam yaratmadılar.”
Venger Xabi Alonsonun çıxışını xüsusi dəyərləndirib:
“Xabi Alonso xoş sözlərə layiqdir. O, işinin öhdəsindən çox yaxşı gəldi və komandanı balanslaşdırdı. Matç bəzi aspektlərdə sanki kişilərin oğlanlara qarşı duelinə bənzəyirdi.”
Bu fikirlər İspaniya derbisində “Real Madrid”in daha güclü, daha yetkin komanda təsiri bağışladığını göstərir. Vengerin sözlərinə görə, “Barselona”nın əsas hücumçularının yoxluğu onların oyun gücünə ciddi təsir edib.
