İngiltərə Premyer Liqasının növbəti turunda “Arsenal” doğma meydanda “Everton”u qəbul edib. Qarşılaşma London təmsilçisinin 2:0 hesablı qələbəsi ilə başa çatıb.

90plus.az xəbər verir ki, gərgin keçən oyunda uzun müddət qapılara qol vurulmayıb. “Arsenal” matçın son dəqiqələrində üstünlüyünü reallaşdırmağı bacarıb. Hesab 89-cu dəqiqədə açılıb.

Əsas vaxta əlavə olunmuş dəqiqələrdə isə Maks Douman fərqlənərək komandasının ikinci qolunu vurub və qələbəni rəsmiləşdirib.

Bu qələbə sayəsində “Arsenal” çempionluq yarışında vacib üç xalı aktivinə yazdırıb.