Son həftələr “Arsenal” üçün transfer bazarında olduqca gərgin keçib. Mikel Arteta yeni mövsüm öncəsi heyətini formalaşdırmaqda vaxt itirməyib. Kepa Arrisabalaga, Noni Madueke, Martin Zubimendi, Kristian Moskera və son olaraq Viktor Gyökeres “Emireyts” stadionunda müqavilə imzalayan futbolçular sırasındadır.
90plus.az xəbər verir ki, “Arsenal” bu transferlərlə kifayətlənmir. Hazırda “Kristal Pelas”ın ulduzu Ebereçi Eze də “topçular”la əlaqələndirilir. Keçən mövsüm “Mançester Siti” üzərində FA Kubokundakı qələbədən sonra Eze ayrılmaq ehtimalını açıq şəkildə göstərmişdi və onunla maraqlananlar arasında “Arsenal” lider mövqedədir.
Lakin Eze transferi reallaşsa belə, “Arsenal” üçün yay transfer pəncərəsi tam bağlanmış sayılmayacaq. Klubda hələ də yolların ayrılması gözlənilən bir neçə futbolçu var. Express Sport bu yay “Arsenal”ı tərk edə biləcək beş futbolçunu seçib:
🔸 Reiss Nelson: “Arsenal” akademiyasının yetirməsi olan Nelson səkkiz yaşından bəri klubdadır. Lakin onun daimi transferi artıq real görünür. Ötən mövsüm icarədə oynadığı “Fulhem” hazırda 24 yaşlı vingerlə irəliləmiş danışıqlar aparır. Əgər bu keçid baş tutsa, o, keçən yay “Arsenal”dan “Fulhem”ə keçən Emile Smit-Rounun yolunu davam etdirəcək.
🔸 Albert Sambi Lokonqa: Gözləntilərlə gəlməsinə baxmayaraq, Lokonqanın “Arsenal” karyerası uğurlu alınmayıb. Belçikalı yarımmüdafiəçi son iki mövsümü icarədə keçirib. Onun “Arsenal”la müqaviləsinin başa çatmasına 1 il qalıb və bu yay klubun futbolçudan gəlir əldə etməsi üçün son fürsət hesab olunur. Əks halda, gələn il Lokonqa azad agent kimi ayrılacaq.
🔸 Oleksandr Zinçenko: Zinçenko “Arsenal”a Fabiou Vieyra ilə eyni yay transfer pəncərəsində qoşulmuşdu və ilk dövrlərdə sol cinahda öz parlaq oyunları ilə seçilirdi. Lakin sonradan komanda daha praqmatik sistemə keçdiyi üçün ukraynalı futbolçunun oynama vaxtı azalıb. Hazırda Mayls Lyuis-Skelli və Rikkardo Kalafiori sol cinah müdafiəsində üstünlük verilən adlardır. Bu səbəbdən, Zinçenkonun daha çox oyun praktikası üçün yeni klub axtarması gözlənilir.
Digər tərəfdən, Transferdotcom yazır ki, Mikel Arteta bu yay komandadan ayrılmaq istəyən Oleksandr Zinçenkonu fikrindən daşındırıb və komandada qalmağa razı salıb.
