Nigeriyalı ulduz Lukmanla bağlı İtaliya nəhəngi “Atalanta”dan gözlənilməz qərar gəldi.

90plus.az xəbər verir ki, “Atalanta” futbolçusu ilə əlaqələri kəsmək təhlükəsi ilə üz-üzədir və yaşanan gərginliklərdən sonra "təmiz bir səhifə açmaq" qərarına gəlib.

Klub 27 yaşlı hücumçuya ultimatum verib. Xəbərdə bildirilir ki, əgər Lukman komandası üçün mübarizə aparmağa hazır olduğunu açıqlasa, dərhal heyətə qaytarılacaq. Lakin əgər futbolçu özünü rahat hiss etmirsə və tam gücünü verə bilməyəcəyini düşünərək fərdi məşqlərə davam etmək istəyirsə, heyətə daxil edilməyəcək və bunun nəticəsində çoxsaylı oyunlarda forma şansı itəcək. Bu isə onun karyerasına ciddi mənfi təsir göstərə bilər.

Bu mənfi ssenaridə “Atalanta” futbolçudan tam istifadə edə bilməyəcək və gələcəkdə mümkün transferdə ciddi maliyyə itkisi ilə üzləşə bilər. Lukman isə həm liqada, həm də Avropada oyun imkanlarından məhrum olaraq bazar dəyərini itirmə riski ilə qarşı-qarşıyadır.

Keçən mövsümdə “Atalanta” forması ilə bütün yarışlarda 40 oyuna çıxan Lukman 20 qol vurub və 7 məhsuldar ötürmə ilə yadda qalmışdı.