İngiltərənin "Norviç Siti" klubunda son iki mövsümdə karyerasının ən məhsuldar dövrünü keçirən ispan futbolçu Borxa Sainz doğma ölkəsinə dönüşə yaxın olsa da, hələlik yekun qərar verilməyib.

90plus.az xəbər verir ki, 2023-cü ilin yayında "Giresunspor"dan sərbəst şəkildə "Norviç Siti"yə keçən 23 yaşlı futbolçu İngiltərə Çempionşipində bu mövsüm 41 oyunda 18 qol və 4 assistlə yadda qalıb.

"Atletik Bilbao"dan ehtiyatlı addım

İspaniyanın "Marca" nəşrinin məlumatına görə, "Atletik Bilbao" qış fasiləsində öz yetirməsi olan Borxa Sainz ilə ilkin razılıq əldə etsə də, transferdə son qərarı verməyə tələsmir. Klubun bu mövqeyinə əsas səbəb isə komandadakı digər futbolçular – Niko Vilyams, Niko Serrano və Cjalo (Djalo) ilə bağlı vəziyyətin hələ tam aydınlaşmamasıdır.

Sainz ayrılmaqda qərarlıdır

Borxa Sainz isə "Norviç Siti" ilə müqaviləsinin son mövsümünə daxil olduğu halda, klubdan ayrılmaq niyyətindədir. Gənc hücumameylli yarımmüdafiəçi yeni təklifləri dəyərləndirərək karyerasına dair qərarını yaxın vaxtlarda verəcək.