"Atletiko Madrid" ispaniyalı ulduz Aleks Baenanı heyətinə qatdı.
90plus.az xəbər verir ki, "Atletiko Madrid" "Vilyarreal" klubunun gənc və istedadlı yarımmüdafiəçisi Aleks Baenanı transfer etdiyini rəsmən açıqlayıb.
Klubun rəsmi saytında yer alan məlumata görə, 23 yaşlı futbolçu ilə 30 iyun 2030-cu ilədək qüvvədə olacaq uzunmüddətli müqavilə imzalanıb.
Aleks Baena 2021-ci ildə "Vilyarreal" ilə UEFA Avropa Liqasının qalibi olub. O, ötən il İspaniya milli komandası ilə də Avropa çempionluğu sevinci yaşayıb. Yaradıcılığı və texnikası ilə tanınan gənc futbolçunun "Atletiko Madrid"in yarımmüdafiəsinə dinamika qatacağı gözlənilir.
