Azərbaycan U-21 millisi seçmə mərhələyə məğlubiyyətlə başladı.
90plus.az xəbər verir ki, Azərbaycanın U-21 yığması bu gün Avropa çempionatının seçmə mərhələsində ilk matçına çıxıb. Ayxan Abbasovun rəhbərlik etdiyi komanda səfərdə Portuqaliyanın qonağı olub.
Barseluş şəhərində keçirilən görüşün ilk hissəsində millimiz tablodakı bərabərliyi qoruya bilsə də, ikinci yarıda meydan sahibləri üstünlüyü ələ alaraq ardıcıl qollarla fərqi açıb. Nəticədə Azərbaycan U-21 yığması meydanı 0:5 hesablı məğlubiyyətlə tərk edib.
Qeyd: Bu oyun Abbasovun yığmanın sükanı arxasında ilk rəsmi matçı olub.
Azərbaycan B qrupunda Portuqaliya ilə yanaşı, Şotlandiya, Bolqarıstan, Çexiya və Cəbəllütariqlə mübarizə aparacaq. U-21 millimizin növbəti qarşılaşması sentyabrın 9-da Bakıda Bolqarıstana qarşı keçiriləcək.
Avropa çempionatı, seçmə mərhələ – 1-ci tur:
Portuqaliya 5 – 0 Azərbaycan
