Almaniya Avropa çempionatında finala vəsiqə qazandı.

90plus.az xəbər verir ki, U-21 Avropa çempionatının yarımfinalında Almaniya millisi Fransanı 3:0 hesabı ilə məğlub edərək Slovakiyanın “Kosicka futbalova arena” stadionunda keçiriləcək UEFA U-21 Avropa Çempionatının finalında İngiltərəyə rəqib olub. Bu turnirin üçqat qalibi olan Almaniya yığması artıq 20 oyundur məğlub olmur (17 qələbə, 3 heç-heçə) və bu statistika “Gənc Şirlər” üçün ciddi xəbərdarlıqdır.

Almanlar bu yarışda final mərhələsinə artıq yaxşı bələddirlər – son dörd turnirin üçündə finala çıxmağı bacarıblar. Fransaya qarşı oyunda da qol üçün çox gözləməli olmadılar.

Fransa isə növbəti dəfə final şansını əldən verdi və “Ümidlər”in (Les Espoirs) bu turnirdə sonuncu final çıxışı üzərindən artıq 25 il keçib. Yeni bir cəhd üçün isə azı daha iki il gözləməli olacaqlar.

Almaniya 3-0 Fransa
Vaiper 8'
Voltemade 14'
Qruda 90+3'

Qollar:
https://t.me/doxsanplus/104545

Qeyd: Final matçında bizi Almaniya - İngiltərə oyunu gözləyir.