İngiltərənin U-21 millisi Niderlandı məğlub edərək Avropa Çempionatının finalına vəsiqə qazandı.

90plus.az xəbər verir ki, U-21 Avropa çempionatının yarımfinalında İngiltərənin U-21 komandası Harvi Elliotun parlaq dublu sayəsində finala yüksəlib və ardıcıl ikinci dəfə Avropa çempionu olmağına bir addım qalır.

İngiltərə 2-1 Niderland
Elliot 62' 85'
Ohio 72'

İngiltərə bu turniri 2023-cü ildə, 39 illik fasilədən sonra ilk dəfə qazanmışdı və indi Li Karslinin komandası 1982 və 1984-cü illərdəki ardıcıl zəfərləri təkrarlaya bilər.

Oyunda kimlər parladı?

Elliot komandaya hücumda dinamika qatdı və “Liverpul”da keçirdiyi çətin mövsümə baxmayaraq iki gözəl qolla ustalığını ortaya qoydu.

Tino Livramento müdafiədə növbəti güclü oyununu keçirdi, amma Omari Hatçinson üçün startda parlaq görünsə də, sonradan oyun tempi düşdü və o, gözlənilən effekti verə bilmədi.

Niderlandın hücumçusu Ohio — həm “Mançester Yunayted”, həm də “Mançester Siti”nin akademiyalarında çıxış etmişdi — cəsarətli və baxımlı bərabərlik qolunun müəllifi oldu.

Qeyd: İngiltərə Bratislavada qalaraq şənbə günü keçiriləcək finalda Fransa - Almaniya cütünün qalibi ilə qarşılaşacaq. Niderland isə Slovakiyada mübarizəni dayandıraraq vətənə dönür.