"Bodo/Qlimt" Çempionlar Liqasında tarix yazır – 230 pilləlik inanılmaz yüksəliş.

90plus.az xəbər verir ki, Norveç təmsilçisi "Bodo/Qlimt" UEFA Çempionlar Liqasında möhtəşəm çıxışı ilə dünya futbol ictimaiyyətinin diqqət mərkəzinə düşüb. Son 3 ilin 2-də final oynayan "İnter"i son 16 pley-off mərhələsində hər iki oyunda məğlub edən Norveç klubu adını 1/8 finala yazdırıb.

Liqa mərhələsinin son iki turunda "Mançester Siti" və "Atletiko Madrid" üzərində sensasiyalı qələbələr qazanan "Bodo/Qlimt", pley-offda da "İnter" səddini aşaraq nağılını davam etdirib. Komanda ilk oyunda rəqibini doğma meydanda 3:1 hesabı ilə məğlub edib, cavab görüşündə isə İtaliyada 2:1 qalib gələrək tarixi uğura imza atıb.

Norveç təmsilçisi son 16 mərhələsində ya "Mançester Siti", ya da "Sportinq"lə qarşılaşacaq.

UEFA reytinqində 230 pillə irəliləyiş

"Bodo/Qlimt" son illərdə avrokuboklarda qazandığı uğurlarla UEFA klub reytinqində də ciddi sıçrayış edib. Klub son 5 ildə tam 230 pillə irəliləyərək 264-cü yerdən 34-cü pilləyə yüksəlib. Bu, Norveç futbolu üçün də tarixi göstərici hesab olunur.

Komandanın son illərdə Avropadakı nəticələri:

• 2021/22 – Konfrans Liqası, 1/4 final

• 2022/23 – Konfrans Liqası, son 16 pley-off

• 2023/24 – Konfrans Liqası, son 16 pley-off

• 2024/25 – Avropa Liqası, yarımfinal

• 2025/26 – Çempionlar Liqası, son 16

13,2 milyon avroluq heyətlə tarixi zəfər

Maraqlı məqamlardan biri də "Bodo/Qlimt"in "İnter"i mübarizədən kənarlaşdırdığı oyundakı start heyətinin ümumi dəyəridir. Norveç klubunun ilk 11-nin transfer dəyəri cəmi 13,2 milyon avro olub.

Heyətdə yer alan futbolçular:

• Nikita Haykin (0 avro)

• Fredrik Şövold (0 avro)

• Odin Byörtüft (1 milyon avro)

• Yosteyn Gundersen (0 avro)

• Fredrik Byorkan (0 avro)

• Patrik Berq (4 milyon avro)

• Sondre Brunstad Fet (0 avro)

• Hakon Evyen (2,5 milyon avro)

• Yens Petter Hauqe (4 milyon avro)

• Ole Didrik Blomberq (1 milyon avro)

• Kasper Höyq (700 min avro)

Beləliklə, nisbətən aşağı büdcəli heyətlə Avropa nəhənglərini mübarizədən kənarlaşdıran "Bodo/Qlimt" Çempionlar Liqasının əsas sensasiyasına çevrilib.