Almaniyanın “Ayntraxt” (Frankfurt) klubu UEFA Çempionlar Liqasının əsas mərhələsində “Qarabağ”a qarşı keçirəcəyi oyundan öncə Bakıda mətbuat konfransı və açıq məşq təşkil etməyəcək.

90plus.az xəbər verir ki, Bundesliqa təmsilçisi yanvarın 20-də, qarşılaşmadan bir gün əvvəl axşam saatlarında Bakıya enəcək. Frankfurt təmsilçisi oyun başa çatdıqdan dərhal sonra Almaniyaya qayıdacaq.

Qeyd: UEFA-nın verdiyi cəzaya əsasən “Ayntraxt” azarkeşləri bu matçda tribunada yer ala bilməyəcəklər.

ℹ️ “Qarabağ” – “Ayntraxt” görüşü yanvarın 21-də, saat 21:45-də Tofiq Bəhramov adına Respublika stadionunda keçiriləcək.