“Ayntraxt Frankfurt” azarkeşləri həm  Bundesliqa matçında, həm də "Barselona" ilə Çempionlar Liqası oyununda pirotexniki vasitələrdən istifadə etməsini klub prezidenti Matias Bek sərt şəkildə tənqid edib.

90plus.az xəbər verir ki, Bek Bild qəzetinə verdiyi müsahibədə belə deyib:

“Bu hadisələr məni sadəcə qəzəbləndirmir. Köln və Barselona matçlarındakı insidentlər bizə böyük ziyan vurur".

“Biz həmişə demişik: heç nə əlinizdən çıxmamalıdır!” – deyə Bek xəbərdarlıq edib. Lakin hər iki matçda məhz belə hadisələr baş verib.

"Köln" oyununda pirotexniki fişənglər atılıb; matçın sonunda qonaqların sektorunda yanğın baş verib. Barselonada da tərəfdarlar pirotexnikadan istifadə edib, qonaq sektorundan əşyalar atıblar və tualetlərə ziyan vurublar.

“Barselona hadisələrindən sonra UEFA ‘Ayntraxt Frankfurt’a növbəti iki beynəlxalq səfər oyununa azarkeş qadağası tətbiq edib və klub 380,000 avro cərimələnib. Həmçinin Bundesliqada pirotexnika istifadəsinə görə böyük cərimələr ödəməlidir.

“Əlbəttə, uğur riskə atılarsa, bunun qarşısı alınmalıdır. Biz, amma ən çox da azarkeş icması, bu məsələni nəzarət altına almalıdır,” – deyə Bek bildirib. Prezidentin sözlərinə görə, idarə heyətinin üzvü Filip Reşke problemin həlli üzərində çalışır.

Qeyd: “Ayntraxt” azarkeşləri yanvarın 21-də Bakıda keçiriləcək “Qarabağ” – “Ayntraxt” matçında stadionda olmayacaqlar.