Bu gün Azərbaycan U-21 millisinə baş məşqçi təyin olunan Ayxan Abbasov təəsüratlarını AFFA-nın saytına bölüşüb.

90plus.az xəbər verir ki, 43 yaşlı mütəxəssis bunun şərəfli olduğunu söyləyib:

“Belə bir məsuliyyətli işi mənə etibar etdiyi üçün AFFA rəhbərliyinə təşəkkür edirəm. Bir azərbaycanlı olaraq ölkəmin ikinci komandasında işləmək şərəfdir. Qarşımıza çox böyük iş düşür. Bunun öhdəsindən gəlməyə çalışacağıq. Əsas məqsədlərimizdən biri yeni gənc oyunçuların üzə çıxarılması və A millimizə namizəd olmasıdır. İlk iş olaraq böyük seleksiya işi aparıb, qarşıdakı oyunlara hazırlaşacağıq”.

Qeyd: Ayxan Abbasovla müqavilənin müddəti 2 ildir.