Azərbaycan Kubokunun 1/4 final mərhələsinin cavab oyununda "Qəbələ FK" ilə "Sabah FK" arasında dramatik qarşılaşma baş tutub.

90plus.az xəbər verir ki, gərgin və maraqlı keçən matçın əsas vaxtı 3:3 hesabı ilə başa çatıb. Oyunda ilk qolları “Sabah”ın futbolçusu Timoteuş Puxaç vurub. O, 31-ci və 62-ci dəqiqələrdə fərqlənərək komandasını önə keçirib.

Matçın son dəqiqələrində isə “Qəbələ” möhtəşəm geri dönüş edib. Komandanın hücumçusu İsmael Akinade 88-ci və 90-cı dəqiqələrdə ardıcıl qollar vuraraq hesabı bərabərləşdirib və oyunu əlavə vaxta daşıyıb.

Əlavə vaxtda qalib müəyyənləşmədiyindən yarımfinala vəsiqənin taleyi penaltilər seriyasında həll olunub. Bu seriyada daha dəqiq oynayan "Sabah FK" 4:2 hesabı ilə qalib gələrək növbəti mərhələyə yüksəlib.

Beləliklə, “Sabah” Azərbaycan Kubokunun yarımfinal mərhələsinə vəsiqə qazanan komandalar sırasına qoşulub.