FIFA milli komandaların yenilənmiş reytinq siyahısını açıqlayıb.
90plus.az xəbər verir ki, aprel ayı üçün müəyyən edilən sıralamaya əsasən, Azərbaycan milli komandası 1150,64 xalla 119-cu mövqedə yer alıb.
Yığmamız əvvəlki reytinqlə müqayisədə 2 pillə aşağı düşüb.
Siyahının lideri 1886.16 xalla Argentina yığmasıdır. İspaniya isə 1854.64 xalla ikinci pillədə qərarlaşıb.
Azərbaycanın DÇ-2026-nın seçmə mərhələsindəki rəqiblərindən Fransa 1852.71 xalla üçüncü, Ukrayna 1559.81 xalla 25-ci, İslandiya isə 1336.55 xalla 74-cü yerdədir.
Qeyd: Azərbaycan millisi mart ayında Haitiyə 0:3, Belarusa isə 0:2 hesabı ilə məğlub olub.
