FİFA iyul ayı üçün milli komandaların yeni reytinq siyahısını açıqlayıb.
90plus.az xəbər verir ki, Azərbaycan yığması ötən ayla müqayisədə 3 pillə geriləyib.
Millimiz hazırda 1148 xalla 119-cu yerdən 122-ci pilləyə enib.
Fernandu Santuşun rəhbərlik etdiyi komanda bu dövrdə iki yoxlama görüşü keçirib: Latviyayla qolsuz bərabərə qalan yığmamız Macarıstana 1:2 hesabı ilə məğlub olub.
2026-cı il dünya çempionatının seçmə mərhələsindəki rəqiblərimizdən Fransa 3-cü yeri (1862 xal), Ukrayna 26-cı yeri (1557 xal), İslandiya isə 74-cü yeri (1337 xal) tutur.
Qeyd: Siyahının zirvəsində 1885 xalla son dünya çempionu Argentina millisi qərarlaşıb.
