Azərbaycan millisinin baş məşqçisi müsahibəsində məğlubiyyətə görə üzr istədi.
90plus.az xəbər verir ki, Azərbaycanın qadınlardan ibarət yığması Millətlər Liqasında Litvaya 5-0 hesabı ilə məğlub oldu. Oyundan sonra baş məşqçi Siyasət Əsgərov bu sözləri bildirib:
“İlk dəfədir komandanın bu qədər həyəcan içində meydana çıxdığını gördüm. Çoxlu sayda səhvlərə yol verdik. İlk 10 dəqiqədə buraxdığımız qollardan sonra oyunumuzda eniş baş verdi. Fasilədən sonra sistemdə dəyişiklik etdik. Ancaq bütünlüklə hücuma çıxdığın zaman istər-istəməz müdafiədə boşluq yaranır. Nəticədə daha bir qol buraxdıq. Bizi dəstəkləməyə gələn insanlara həm təşəkkür edirəm, həm də bu nəticəyə görə komanda adından onlardan üzr istəyirəm”.
