Azərbaycan qadın milli futbol komandasının müdafiəçisi Nigar Mirzəliyeva yenidən Rusiya Premyer Liqasının turun rəmzi heyətinə seçilib.

90plus.az xəbər verir ki, "Zenit" klubunun şərəfini qoruyan 23 yaşlı oyunçu 17-ci turun simvolik yığmasında yer alıb.

O, komandasının səfərdə "Rubin" üzərində 3:1 hesablı qələbə qazandığı qarşılaşmada 90 dəqiqəlik uğurlu çıxışı ilə diqqət çəkib.

Qeyd: Mirzəliyeva bu mövsüm daha əvvəl 8-ci və 10-cu turlarda da rəmzi heyətə daxil edilib.