Azərbaycanlı FIFA referisi Elçin Məsiyev UEFA tərəfindən yeni təyinat alıb.  

90plus.az xəbər verir ki, bu haqda AFFA-nın rəsmi saytı xəbər yayıb.  

E. Məsiyev 21 yaşadək futbolçular arasında bu il Slovakiyada baş tutacaq Avropa çempionatının final mərhələsinə hakim kimi təyin edilib.  

1-ci kateqoriya hakimlərindən olan E. Məsiyevin briqadasında Elşad Abdullayev və Pərvin Talıbov köməkçi hakim qismində fəaliyyət göstərəcəklər.  

Avropa çempionatının final mərhələsi 11-28 iyun tarixlərində 16 komandanın iştirakı ilə baş tutacaq.