İtaliya millisinin Əfsanəsi Roberto Bacconun Viçensa əyalətindəki evini qarət ediblər.

90plus.az  xəbər verir ki, hadisə dünən axşam saatlarında İtaliya - İspaniya (0-1) oyunu zamanı baş veribx

Ailəsi ilə birgə Avro-2024 oyununa baxan Bacconun evinə əllərində silah olan naməlum şəxslərdən ibarət dəstə soxulub. Keçmiş futbolçu quldurlardan biri ilə əlbəyaxa olub. Ancaq onun başına tapançanın qundağı ilə zərbə endirilib. Əfsanəvi futbolçunun başında qanaxma baş verib.

Bundan sonra Bacco və ailə üzvlərini evin bir otağına salaraq qapını bağlayıblar. Soyğunçular evdən qızıl-zinət əşyaları, saatlar və pul oğurlayıblar.

Qeyd: İtaliya millisində 56 oyunda 27 qol vuran Bacco 1993-cü ildə “Qızıl top”un sahibi olub.

Oğrular getdikdən sonra Bacco qapını sındıraraq polisə müraciət edib. O, xəstəxanaya aparılıb və yarasına tikişlər vurulub. Onun ailə üzvlərinə zərər dəyməyib:

“Belə şəraitdə hər şey ola bilər. Xoşbəxtlikdən, zorakılıq yalnız bəzi tikişlər, qançırlar və çoxlu qorxu ilə nəticələndi ".

Bacco İtaliyanın ANSA xəbər agentliyinə verdiyi açıqlamada "İndi biz qorxudan qurtulmalıyıq" söyləyib.