“Genk” klubunun müdafiəçisi Yuvensli Onsteyn karyerasını İspaniyada davam etdirməyə hazırlaşır.
90plus.az xəbər verir ki, “Barselona” niderlandlı futbolçunun transferini yekunlaşdırıb. Bu barədə tanınmış insayder Fabritsio Romano xəbər yayıb.
18 yaşlı mərkəz müdafiəçisi yaxın vaxtlarda İspaniya nəhəngi ilə rəsmi müqavilə bağlayacaq. Gənc futbolçunun ilkin mərhələdə “Barselona”nın ikinci komandasında çıxış etməsi nəzərdə tutulur.
Yuvensli Onsteyn 2023-cü ilin yayında “Genk” akademiyasına cəlb olunub. O, hazırda Belçika klubunun gənclərdən ibarət komandasında forma geyinir.
