“Barselona” Ekvador futbolunun gənc istedadlarından olan Xuan Rikelme Anqulonun transferi üçün ciddi maliyyə addımı atmağa hazırdır.

90plus.az xəbər verir ki, 17 yaşlı hücumçu Avropaya gənc futbolçular ixrac etməsi ilə tanınan “İndependyente del Valle” klubunun yetirmələrindən biridir və ölkəsində böyük perspektiv vəd edən oyunçular sırasında göstərilir. Məlumata görə, “Barselona” Anqulonu heyətinə qatmaq üçün 5 milyon dollardan artıq məbləğ təklif etməyə hazırdır.

Yanvarın 12-də 18 yaşını tamamlayacaq Anqulo bundan sonra FIFA qaydalarına əsasən Avropaya transfer üçün uyğun olacaq. Bu səbəbdən Kataloniya klubu futbolçunu gələn mövsüm başlamazdan öncə heyətinə qatmağı planlaşdırır.

Qeyd: Xuan Rikelme Anqulo hələlik Ekvador Liqa Pro-da debüt etməyib. Buna baxmayaraq, o, gənclər səviyyəsində uğurlu çıxışı ilə diqqət çəkib. Hücumçu Ekvadorun U-15 və U-17 milli komandalarında ümumilikdə 5 qol vurub.