"Barselona" Hansi Fliklə yeni müqavilə imzalamağa hazırlaşır.
90plus.az xəbər verir ki, İspaniya nəhəngi “Barselona” baş məşqçi Hansi Fliklə yeni müqavilə imzalamağa hazırlaşır. Flik 2024-cü ilin may ayında klubla 2026-cı ilə qədər müqavilə bağlamışdı.
Lakin klubun uğurlu çıxışları və Flikin komandaya verdiyi töhfələr nəticəsində tərəflər 2027-ci ilə qədər yeni müqavilə üçün razılığa gəliblər.
Alman məşqçi “Barselona”nın sükanı arxasında ilk mövsümündə İspaniya Superkuboku və Kral Kubokunu qazanaraq diqqət çəkib. Komanda La Liqa çempionluğuna da yaxınlaşıb. Flikin rəhbərliyi altında Pedri, Lamin Yamal və Rafinya kimi futbolçuların çıxışında əhəmiyyətli irəliləyiş müşahidə olunub.
“Barselona”nın Hansi Fliklə yeni müqaviləni yaxın günlərdə rəsmi şəkildə elan edəcəyi gözlənilir. Bu addım klubun gələcək planlarında Flikin əsas fiqur kimi rol alacağını göstərir.
