Son 48 saat Mark-Andre ter Ştegenlə “Barselona” arasındakı münasibətlər baxımından tam bir eniş-yoxuş məsələsi olub.
90plus.az xəbər verir ki, Alman qapıçı “Barselona”nın tibbi hesabatını La Liqaya təqdim etməsinə icazə verəcək sənədi imzalamaqdan imtina etdikdən sonra kapitanlıqdan məhrum edilmişdi.
Lakin ter Ştegen kapitanlıqdan uzaqlaşdırıldıqdan az sonra məsələni həll etmək üçün klubla əməkdaşlıq etməyə hazır olduğunu bildirən açıqlama yayıb.
Ter Ştegen kapitanlığa qaytarıldı
Futbolçunun əməkdaşlıq etməsi nəticəsində “Barselona” rəsmi açıqlama ilə ter Ştegenin yenidən kapitanlığa qaytarıldığını təsdiqləyib. Kataloniya klubu həmçinin qapıçının artıq sənədləri imzaladığını və bununla da klubun onun tibbi hesabatını alaraq La Liqaya təqdim etməsinə razılıq verdiyini açıqlayıb.
Açıqlamada deyilir:
“Klub bildirir ki, Mark-Andre ter Ştegen əməliyyatı ilə bağlı tibbi hesabatı La Liqaya göndərmək üçün lazım olan icazə sənədini imzalayıb.”
“İntizam işi bağlanıb və futbolçu dərhal birinci komandanın kapitanı vəzifəsinə bərpa olunub.”
Bu ter Ştegenlə “Barselona” arasında mühüm barışıq addımıdır və Kataloniya klubuna Xoan Qarsiya və Markus Raşford kimi yeni transferləri qeydiyyata salmaq üçün qapıçının maaşından istifadə etməyə imkan verə bilər.
Bununla belə, ter Ştegenin “Barselona”dakı gələcəyi hələ də qeyri-müəyyəndir, çünki o, mövcud seçimlər sırasında artıq Xoan Qarsiya və Voytsex Şesnının gerisində qalır.
