Zədədən yeni sağalan ulduz futbolçu Lamine Yamal təəssüf ki, yenidən zədə alıb.
90plus.az xəbər verir ki, gənc oyunçu İspaniya milli komandasının Gürcüstan və Bolqarıstanla keçirəcəyi oyunlar və həmçinin "Sevilya" ilə "Barselona" arasında keçiriləcək qarşılaşmada iştirak edə bilməyəcək.
Qasıq zədəsi səbəbindən əvvəlki oyunlarda – "Valensiya", "Getafe" və "Real Oviyedo" matçlarında – iştirak edə bilməyən Yamal "Real Sosyedad" oyununda yenidən meydana çıxmışdı.
Ancaq ulduz futbolçu, PSJ ilə Çempionlar Liqasının oyunundan sonra yenidən zədələndi. Klubdan verilən açıqlamada 18 yaşlı oyunçunun 2-3 həftə müddətində meydanlardan kənar qalacağı bildirilib.
Bu səbəbdən Yamal İspaniya millisinin Gürcüstan və Bolqarıstanla oyunlarında və "Sevilya" ilə "Barselona" matçında iştirak edə bilməyəcək.
Bu mövsüm 5 oyunda meydana çıxan Lamine Yamal 2 qol vurub və 4 məhsuldar ötürmə ilə yadda qalıb.
