"Barselona" Xulian Alvarez transferində geri çəkilmək niyyətində deyil.
90plus.az xəbər verir ki,"Barselona" maliyyə çətinliklərinə baxmayaraq, "Atletiko Madrid"in hücumçusu Alvaresin transferini həyata keçirməyə davam edir.
Kataloniya nəhənglərinin rəhbərliyi, xüsusilə də Joan Laporta son iki mövsümdə "Atletiko"da məhsuldar çıxış edən argentinalı hücumçunu çox bəyənir. Bu mövsüm Alvares bütün yarışlarda 11 qol və 4 assistlə fərqlənib.
"Barselona"nın üstünlüyü onun uşaq yaşlarından bəri katalon klubuna olan sevgisindən gəlir, lakin transferin baş tutması üçün ciddi səylər göstərmək lazımdır.
Əvvəlcə, bu, "Atletiko"nun bu mövsüm ümumi çıxışından asılıdır. Əgər komanda yenə də titul qazanmadan mövsümü başa vurarsa, Alvares Vanda Metropolitanodan ayrılmağı düşünə bilər.
"Barselona" üçün isə Robert Levandovskini satmaq böyük maaş yükünü yüngülləşdirmək və Alvaresin transferini reallaşdırmaq üçün vacib sayıla bilər. Argentinalının qiyməti 100 milyon avrodan yuxarı ola bilər və İspaniya çempionları La Liqanın maliyyə ədalət prinsiplərinə uyğun hərəkət etmək üçün 1:1 balansını təmin etməlidirlər.
