“Bayer Leverkuzen” 1/8 finalda

90plus.az xəbər verir ki, UEFA Çempionlar Liqasının pley-off mərhələsinin cavab qarşılaşmasında “Bayer Leverkuzen” doğma meydanda “Olimpiakos”la qolsuz heç-heçə edib – 0:0.

İlk oyunda səfərdə 2:0 hesablı qələbə qazanan Almaniya təmsilçisi iki görüşün nəticəsinə əsasən (2:0) adını 1/8 finala yazdırıb.

Bu mərhələyə yüksəlişdə əsas pay sahiblərindən biri Patrik Şik olub. Hücumçunun ilk qarşılaşmadakı qolları Leverkuzen klubuna ciddi üstünlük qazandırmışdı və cavab matçında komanda bu üstünlüyü qorumağı bacardı:

Bayer Leverkuzen 0 - 0 Olimpiakos 
Ümumi hesab: 2-0

Beləliklə, “Bayer Leverkuzen” növbəti mərhələdə ya “Bayern Münhen”, ya da “Arsenal”la üz-üzə gələcək.

Çempionlar Liqasında Almaniya klubunun inamlı çıxışı davam edir.