Almaniya Bundesliqasında çıxış edən “Bayer Leverkuzen” mövsümün əvvəlində komandanın başına gətirilən hollandiyalı baş məşqçi Erik ten Haqla yollarını ayırıb.
90plus.az xəbər verir ki, 55 yaşlı mütəxəssis 1 iyul tarixində “Bayer Leverkuzen”in baş məşqçisi təyin edilmişdi. O, komandanın sükanı arxasında cəmi iki ay qalıb və bu müddət ərzində 3 rəsmi oyuna çıxıb.
Ten Haqın rəhbərliyi altında “Bayer Leverkuzen” Almaniya Kubokunda “Zonnenhof”u 4:0 hesabı ilə məğlub etsə də, Bundesliqanın ilk iki turunda uğursuz nəticələr alıb — əvvəlcə “Hoffenhaym”a 1:2 uduzub, ardınca isə “Verder Bremen”lə 3:3 bərabərə qalıb.
Ten Haq bundan əvvəl “Go Ahead Eagles”, “Utrext”, “Ayaks” və “Mançester Yunayted” kimi klublarda çalışmışdı.
