“Mançester Siti”nin qapıçısı Stefan Orteqa futbol yolunu Almaniyada davam etdirə bilər.

90plus.az xəbər verir ki, 33 yaşlı qolkiper “Bayer” klubunun transfer planlarına daxildir.

“Şəhərlilər”lə müqaviləsi 2026-cı ilin 30 iyun tarixinədək qüvvədə olan alman qapıçı daha çox oyun şansı əldə etmək məqsədilə Leverkuzen təmsilçisinə keçməyə müsbət baxır.

Futbolçu karyerası ərzində “1860 Münhen”in də formasını geyinən Orteqa 2022-ci ildə “Arminiya”dan (Bilefeld) “Mançester Siti”yə transfer olunub.