"Bayer Leverkuzen" "Liverpul"dan müdafiəçi transfer etdi.
90plus.az xəbər verir ki, Almaniyanın "Bundesliqa" klublarından olan "Bayer Leverkuzen" İngiltərənin "Liverpul" klubundan Carell Kuansahla 5 illik müqavilə imzaladığını açıqlayıb.
Klubun rəsmi saytında yayılan məlumatda qeyd olunur ki, 22 yaşlı ingilis müdafiəçi "Leverkusen"ə Premyer Liqa çempionu "Liverpul"dan 2030-cu ilin 30 iyun tarixinə qədər qüvvədə olacaq müqavilə ilə transfer olunub.
Qeyd: Kuansah ötən mövsüm "Liverpul"un heyətində 13-ü Premyer Liqa, 4-ü isə UEFA Çempionlar Liqasında olmaqla ümumilikdə 25 matçda meydana çıxıb. Gənc futbolçu "Liverpul"un akademiyasının yetirməsidir.
