“Bayern Münhen” Noyerin gələcəyi ilə bağlı qərarı dekabrda verəcək.
90plus.az xəbər verir ki, “Bayern Münhen” kapitanı Manuel Noyerin klubdakı gələcəyi ilə bağlı danışıqlar dekabr ayında aparılacaq. Alman mətbuatının məlumatına görə, hələlik tərəflər arasında konkret qərar yoxdur və bütün variantlar açıq saxlanılıb.
Hazırda 38 yaşlı qapıçının “Bayern Münhen”lə müqaviləsi 2026-cı ilə qədər qüvvədədir. Lakin klub rəhbərliyi Noyerin fiziki durumu və çıxış səviyyəsinə əsasən, müqavilənin daha da uzadılması ehtimalını nəzərdən keçirir.
Məlumata görə, əgər Noyerin sözləşməsi 2026-cı ildən sonrakı müddət üçün də yenilənsə, bu, birbaşa Aleksandr Nübelin taleyinə təsir göstərəcək. Belə halda “Bayern Münhen” gənc qapıçını satmaq variantını ciddi şəkildə müzakirə edəcək.
Nübel hazırda “Bayern”in əsas heyətinə qayıdıb və Noyer üçün potensial varis hesab olunur. Lakin klubun kapitanı yüksək səviyyəsini qorumaqda davam edərsə, onun uzunmüddətli qalması Nübel üçün yeni komandaya keçidi qaçılmaz edə bilər.
📄 Mənbə: Kicker / Bild
📰 90plus.az
