“Bild”in məlumatına görə, “Bayern Münhen” 2026-cı ilin yay transfer pəncərəsi üçün “Bayer Leverkuzen”də çıxış edən Aleks Qrimaldonu yaxından izləyir.
90plus.az xəbər verir ki, 30 yaşlı ispaniyalı sol cinah müdafiəçisinin adı Münhen klubunun ofisində “getdikcə daha tez-tez” müzakirə olunur. Rafael Qereyronun müqaviləsi gələn yay başa çatacağı üçün “Bayern” Qrimaldonu portuqaliyalı futbolçunun komandadakı çoxşaxəli roluna potensial əvəzləyici kimi görür.
Qrimaldo bu mövsüm əla çıxış edir – Leverkuzenlə 15 matçda 7 qol və 4 asist nəticəsi göstərib. Onun klubla müqaviləsi 2027-ci ilin iyununa qədərdir, lakin yeni sözləşmə ehtimalı aşağı qiymətləndirilir.
Lakin transferi çətinləşdirən mühüm məqamlardan biri də Qrimaldonun gələcəkdə İspaniyaya qayıtmaq istəyi ilə bağlı verdiyi açıqlamalardır. O, daha əvvəl “Real Madrid”, “Barselona” və “Atletiko Madrid” kimi klublarla əlaqələndirilmişdi.
