Türkiyənin "Qalatasaray" klubunun sabiq müdafiəçisi və transfer dövründə yenidən gündəmə gələn Saşa Boy üçün Avropadan yeni təklif var.
90plus.az xəbər verir ki, fransız futbolçu üçün tələb olunan transfer qiyməti də bəlli olub.
"Bayern Münhen" Saşa Boyu bu ilin əvvəlində "Qalatasaray"dan 30 milyon avro qarşılığında transfer etmişdi. Lakin Almaniya təmsilçisi hazırda futbolçunu heyətindən göndərməyə hazırlaşır. Klubun bu qərarının arxasında isə transfer büdcəsi yaratmaq məqsədi dayanır.
Hədəfdə Floriyan Virtz var
"Bayern Münhen" rəhbərliyi "Bayer Leverkuzen"in gənc ulduzu Floriyan Virtzi heyətinə qatmaq istəyir. Bu transferin maliyyə yükünü qarşılamaq üçün klub bəzi futbolçularını satış siyahısına daxil edib. Həmin siyahıda adı keçənlərdən biri də Saşa Boydur.
"Marsel" yenidən Boyun izində
Fransanın nüfuzlu “Sport” nəşrinin məlumatına görə, "Marsel" klubu Saşa Boya rəsmi təklif göndərmək niyyətindədir. Qeyd edilir ki, futbolçu daha əvvəl də "Marsel"in maraq dairəsində olub. Klubun yeni baş məşqçisi Roberto de Zerbinin Boyun oyun üslubunu bəyəndiyi və futbolçunun onun sisteminə uyğun gəldiyi bildirilir.
"Qalatasaray" da keçmiş oyunçusunu geri qaytarmaq istəyərkən, "Marsel"in bu yarışda ciddi rəqibə çevrildiyi görünür. Futbolçunun taleyini isə yaxın günlərdə klub rəhbərləri arasındakı danışıqlar müəyyənləşdirəcək.
