Azərbaycan milli komandası ilə yoldaşlıq oyunu keçirəcək Belarus yığması artıq Bakıya gəlib.  

90plus.az xəbər verir ki, Belarus Futbol Federasiyaları Assosiasiyasının rəsmi saytına istinadən verilən məlumata görə, qonaq komanda səhər saatlarında Heydər Əliyev Beynəlxalq Hava Limanına Azərbaycan Hava Yollarına (AZAL) məxsus təyyarə ilə çatıb.  

Belarus millisi sonuncu yoldaşlıq oyununda Tacikistanı səfərdə 5:0 hesabı ilə məğlub edib. Baş məşqçi Karlos Alosun rəhbərlik etdiyi komanda səhər saatlarında Düşənbədən Bakıya uçuş həyata keçirib.  

Qeyd: Martın 25-də "Bank Respublika Arena"da baş tutacaq Azərbaycan - Belarus qarşılaşması saat 21:45-də start götürəcək.