“Fənərbağça” UEFA Çempionlar Liqasının pley-off mərhələsində “Benfika”nı qəbul edir. Maraqlı məqamlardan biri də oyuna “Benfika”nın heyətində start heyətində başlayan Kərəm Aktürkoğlu ilə bağlı yaşanıb.

90plus.az xəbər verir ki, “Benfika” sosial şəbəkə hesablarında Kərəm Aktürkoğlunun da yer aldığı start heyətinin fotosunu paylaşıb, lakin daha sonra bu paylaşımı silib. Qısa müddət sonra isə eyni fotonu heç bir dəyişiklik etmədən yenidən yayımlayıb. Bu qərar sosial mediada və idman ictimaiyyətində geniş müzakirələrə səbəb olub.

Portuqaliya mətbuatında Kərəmin “Fənərbağça”ya mümkün transferinin baş tutmadığına dair iddialar səslənməkdədir. Bu səbəbdən də “Benfika”nın paylaşımındakı tərəddüdlü davranış müxtəlif ehtimalları gündəmə gətirib.

Qeyd: Qarşılaşmada “Benfika”nın heyətində meydana çıxan Kərəm Aktürkoğlu daha öncə də “Fənərbağça”nın transfer gündəmində yer almışdı.