“Beşiktaş” heyətini gücləndirməyə davam edir.
90plus.az xəbər verir ki, İstanbul klubunun əsas transfer hədəfi sabiq İngiltərə millisinin və “Mançester Yunayted”in hücumçusu Cessi Linqarddır.
Dekabrın 31-də “Seul”la müqaviləsi başa çatacaq 32 yaşlı futbolçu azad agent statusu qazanacaq. “Beşiktaş” isə qış transfer pəncərəsində ingilislə 1,6 illik müqavilə bağlamağı planlaşdırır.
Qeyd: Linqard 2024-cü ilin fevralından “Seul”da çıxış edir. İngiltərə millisinin üzvü paytaxt klubunun formasını geyindiyi 66 rəsmi matçda 18 qol vurub və 10 məhsuldar ötürmə edib.
