"Beşiktaş"ın futbolçusu Rafa Silva ölkəsinə geri dönəcək.
90plus.az xəbər verir ki, portuqaliyalı hücumçunun transferi ilə bağlı "Benfika" klubu ilə razılığa gəlinib. Bu məlumatı "TRT Spor" kanalı yayıb.
"Qara qartallar" Rafanın satışından 7 milyon avro qazanacaq. 32 yaşlı forvard yaxın günlərdə Lissabona gedərək yeni komandası ilə müqavilə imzalayacaq.
Qeyd: Rafa Silva 2024-cü ilin yayında "Benfika"dan ayrılaraq azad agent statusu ilə "Beşiktaş"a keçmişdi. Portuqaliya millisinin sabiq üzvü bu mövsüm "ağ-qaralar"ın heyətində 16 rəsmi oyunda 5 qol vurub və 3 məhsuldar ötürmə edib.
