"Beşiktaş" klubunda ciddi itki baş verib.

90plus.az xəbər verir ki, İstanbul təmsilçisinin müdafiəçisi Emirhan Topçu sıradan çıxıb. Bu barədə klubun mətbuat xidməti məlumat yayıb.

Türkiyəli futbolçu Super Liqanın 23-cü turunda Göztepe ilə oyunda ayaq əzələsindən zədələnib. 25 yaşlı mərkəz müdafiəçisinin 4–6 həftə yaşıl meydanlardan kənarda qalacağı gözlənilir.

“Beşiktaş” Emirhan Topçuu 2024-cü ilin yayında Rizespordan 3,4 milyon avroya transfer edib. Türkiyə millisinin üzvü bu mövsüm “qara qartallar”ın heyətində 24 rəsmi oyunda iştirak edərək 1 qol vurub.