Azərbaycan millisinin futbolçusu Bəhlul Mustafazadə Haiti yığması ilə keçiriləcək yoldaşlıq görüşündən danışıb.

90plus.az xəbər verir ki, o, matçdan öncə təşkil olunan mətbuat konfransında deyib: 

"Haiti millisi bizə tanış olmayan rəqibdir. Amma onların matçlarını izləmişik. Yaxşı oyunçuları var. Bizi maraqlı qarşılaşma gözləyir. Komandada ab-hava çox yaxşıdır. Çalışacağıq ki, düzgün oynayaq və məşqçinin göstərişlərini yerinə yetirək. Hər şey qaydasındadır. Bu görüşlərdə qələbə qazanmaq istəyirik. Bizim üçün önəmli olan düzgün oynamaq və qalib gəlməkdir. Hər ikisi vacibdir. Amma daha önəmlisi qələbə qazanmaq mentalitetinin davam etməsidir".

Milliyə yeni gələn oyunçular haqqında: "Yeni gələnlərin hər biri həvəslidir. Biz də belə idik. Çox istəyirlər ki, milli formanı geyinsinlər. Təcrübəli oyunçular çalışırlar ki, adaptasiya prosesində onlara kömək etsinlər. Hər şey yaxşıdır".